Mik Shumaker, triumfi i parë në F-2
Një hap tjetër në histori për Mik Shumaker. Djali i Mikael, 7 herë kampionit të botës në F-1, fitoi garën e parë në karierë në Formula 2.
Thjesht i përsosur . Piloti i ‘Prema dhe i Ferrari Driver Academy’, u nis nga pole dhe bëri një garë fantastike deri në fund.
Në xhirot e fundit, 20 vjeçari, pati kërcënimin e japonezit Matsushita ndaj të cilit u mbrojt si një kampion i vërtetë në pisten e Budapestit.
Emocionuese edhe për të ëmen Korina që si gjithnjë , i qëndron pranë të birit. Pas Shumakerit Jr, Matsushitës i dyti, i treti erdhi Sete Kamera.