Reali nuk ka vend për “Mesin” japonez Kubo
18-vjeçari Takefusa Kubo, i konsideruar nga specialistët edhe si “Mesi i Japonisë”, nuk do të jetë pjesë e skuadrës së Zinedin Zidan.
Edhe pse gjatë këtyre ditëve të para ai është stërvitur me Modriç, Ramos e kompani, duke fituar simpatinë e tifozëve madrilenë, drejtuesit e “Los Blancos” mendojnë se japonezit i duhet ende kohë për të fituar përvojën e nevojshme, për t’u bërë pjesë e Real Madridit .
Për këtë arsye, ata kanë menduar që të riun Kubo ta federojnë me skuadrën e dytë të Realit, që drejtohet nga Raul Gonzales këtë sezon. Në këtë mënyrë, japonezi do të ketë më tepër alternativa për t’u aktivizuar, pasi mosha tij e re e lejon që të luajë edhe me ekipin e të rinjve të Madridit.
Pastaj, Reali Madrid i ka në gjirin e tij 3 futbollistët ekstrakomunitarë: Viniciu, Eder Militao dhe Rodrigo Goes, të cilët, sipas gjykimit të trajnerit Zidane, janë aktualisht më të dobishëm për “los blancos” se sa talenti japonez Takefusa Kubo.