Shkëndija, formalitet në Estoni…
● Liga e Kampionëve, turi i parë: Nome Kalju- Shkëndija Tetovë 0-1 (Ibraimi 81′ (p)
Kjo “shkëndijë” të argëton. Për më tepër, ecuria e tyre në Europë, po bëhet një rit pozitiv. E tregoi edhe sot në turin e parë të Ligës së Kampionëve, teksa në Estoni, me Nome Kalju kanë fituar 0-1.
Tetovarët e Qatip Osmanit hedhin hapin e madh drejt turit të dytë të këtij kompeticioni. Paçka se goli i tyre erdhi në minutat e fundit të takimit nga një penallti e kthyer në gol nga Ibraimi.
I gjithë takimi është diktuar nga skuadra shqiptare e Maqedonisë së Veriut, e cila shpesh i është afruar golit, duke mos rrezikuar asgjë prapa.
Me ngjyrat e tetovarëve edhe ish-mbrojtësi i Skëndërbeut dhe Kukësit, Gledi Mici. E kthimit në shtëpi, duket formalitet.