Feronikeli “kafshon” në fund…
Liga e Kampionëve: TNS-Feronikeli 2-2 (Dreper 49′ (p), Eduards 77’/ Zeka 89′, Fazliu 90’+3′(p)
Ndeshje e çmendur në Uells, mes vëndasëve të TNS dhe Feronikelit për Champions League. Pas një pjese të parë të balancuar, e dyta ka rezultuar një maratonë sa drithëruese, aq dhe spektakolare.
Katër gola në këtë pjesë dhe drenasit, të cilët barazojnë në mënyrë spektakolare. I pari në limite të kohës së rregullt dhe një të dytë shënuar me penallti në shtesë.
Në fakt, Feronikeli u godit sapo nisi pjesa e dytë, teksa në penallti kundër, u shdërrua në gol nga Dreper në të 49’. Por ndeshja e kosovarëve u vu së tepërmi në pikëpyetje në të 76’, kur pas një këndorjeje dhe daljes së gabuar të portierit Troshupa, Eduards dyfishoi për TNS në të 77-tën.
Pjesa tjetër e lojës, ofron spektaklin e kampionëve të Ipko-s, të cilët besojnë te goli në fushë kundërshtare. Një aksion i gjatë nga e majta dhe harkimit në zonë, Mevlan Zeka kërcen mbi kundërshtarin dhe depoziton në rrjetë.
Gjithsesi, për të mbyllur një mbrëmje festive në ishull, mendon Astrit Fazliu, i cili nga pika e penalltisë, me një gjuajtje qëndrore, vulos 2-2.
E kthimit do të zhvillohet në Prishtinë (me 16.07), me ekipin e Zekerija Ramadanit shumë pranë suksesit të dytë europian.