Egjipti del nga “shtëpia”, Afrika e Jugut leksion…
● Afrika e Jugut shtang Egjiptin në fund dhe kalon në çerekfinale. Salah dhe skuadra vendase, vërshellehen nga publiku.
Kupa e Afrikës: Egjipt- Afrikë e Jugut 0-1 (Lorç 85′)
Magji në Kupën e Afrikës, që po zhvillohet në Egjipt. Skuadra e skajshme e Afrikës, ka thyer çdo parashikim dhe në mënyrë surprizë, ka eliminuar Egjpitin vëndas, 5 minuta nga fundi i kohës së rregullt.
Aksion vrasës i afrikano-jugorëve me dy forca përpara dhe Lorç i lirë në zonë, me qetësi olimpike, depoziton në rrjetë. Në momentin e golit, Egjipti kishte dalë i gjithi përpara dhe në prapavijë kishte vetëm një futbollist.
Skandaloze për një ekip që pretendonte trofeun. Kështu, epërsia dhe kualitetet e Egjiptit shkojnë dëm, ndërsa Mohamed Salah dhe të tjerë lojtarë të “faraoneve”, nga sot, duhet të mendojnë për të kaluar disa ditë pushime.