Teuta nuk ndalet, shtohet me një “grek”…
Skuadra durrsake e Teutës po nxition në formatimin e saj. Kësisoj ajo është hedhur fuqishëm në merkato, duke zyrtarizuar shpejt e shpejt të përzgjedhurit e saj.
Pasi kanë firmosur me qendërmbrojtësin Rustem Hoxhën dhe mbrojtësin e djathtë Bllagoja Todorovski, klubi durrsak tani i beson fanelën e Teutës, një mbrojtësi të majtë “grek”.
Bëhet fjalë për Alexandros Kouros, i lindur në Poliçan, por i natyralizuar si grek. 25-vjeçari ka arritur akordin me drejtuesit dhe është zyrtarizuar nga klubi i Teutës.
Lajmin e bëjnë të ditur vetë zyrtarët e klubit durrsak me fotot e postuara. Skraparliu Koruos luan si mbrojtës i majtë dhe vjen nga PAE Kërkyra, skuadër kjo e ishullit të Korfuzit.