Teuta europiane ka nisur nga mbrojtja…
Pasi kanë bërë të tyrin qendërmbrojtësin Rustem Hoxha, drejtuesit durrsakë bëjnë një tjetër goditje në merkaton për forcimin e skuadrës së tyre. Edhe kontrata e dytë e bregdetarëve ka qenë një mbrojtës.
Bëhet fjalë për ish-mbrojtësin e djathtë të Shkëndijës së Tetovës, 33-vjeçarin Bllagoje Todorovski. Lajmin e bën të ditur vetë klubi durrsak në “Facebook”, ku i uron mirësardhjen te Teuta futbollistit nga Maqedonia e Veriut.
“Klubi i futbollit Teuta njofton marrveshjen me mbrojtësin e djathë Blagoja Todorovski
Teuta ka zyrtarizuar afrimin e dytë për këtë merkato. Klubi durrsak ka firmosur me Blagoja Todorovski ,mbrojtësi i djathë 33-vjeçar. Më parë lojtari ka luajtur me ekipin e KF Shkëndija.
Maqedonasi është 33-vjeç, teksa gëzon një karrierë tepër të pasur. Në të kaluarën Todorovski ka qenë pjesë e Dinamos së Bukureshtit, Sileksit, Renovës, Gloria Bistrita, si dhe Rabotniçkit. Mbrojtësi numëron edhe 4 paraqitje me kombëtaren e Maqedonisë”, shkruhet në njoftimin zyrtar të klubit Teuta.
