Uillian, me urgjencë në “seleçao”
Tashmë nuk ka dyshime. Mjekët e kanë dhënë verdiktin e tyre, 72 orët kaluan. Ylli i Brazilit, sulmuesi Nejmar, pas dëmtimit në miqësoren ndaj Katarit, nuk do të jetë në “Copa America”.
Për të plotësuar boshllëkun e krijuar në radhët e skuadrës së tij, trajneri Tite ka thirrur me urgjencë sulmuesin Uillian, i cili 29 maj, fitoi trofeun e Europa League në radhët e Çelsit.
30-vjeçari, që aktivizohet që nga viti 2013 në skuadrën e Londrës, e ka veshur fanelën e Brazilit në 65 ndeshje, duke shënuar edhe 8 gola për “seleçaon”.
Më 14 qershor, kur do të startojë “Copa America”, Uillian Borges da Silva do të jetë i gatshëm ne stol për ta pasuar CV-në e tij kur t’i jepet mundësia.