Luis Enrike, largohet nga Spanja…
Luis Enrike, trajneri i Spanjës ka deklaruar se ka ndërprerë bashkëpunimin me kombëtaren e Spanjës. Pas peripecive me problemet personale, të cilat nuk u zbuluan kurrë, tekniku i “furive të kuqe”, ka gjetur momentin për të bërë publik vendimin e tij.
“Duke parë arsyet që më penguan të zhvilloj detyrat e mia të stërvitjes nga marsi dhe vazhdojnë edhe sot, kam vendosur të largohem nga ky pozicion. Falenderimet e mia për zyrtarët e Federatës për besimin e tyre.
Falenderime të veçanta për të gjithë njerëzit që janë pjesë e stafit dhe për lojtarët për profesionalizmin e tyre. Pa harruar mediat për kontributin tuaj dhe respektin për situatën,”- ka deklaruar ish-trajneri që sa duket do të
zëvendësohet nga ndihmësi i tij, Robert Moreno, i cili drejtoi Spanjën në tri ndeshjet e fundit kualifikuese për Euro 2020.