UEFA kthen Atalantën në shtëpi…
Atalanta largohet nga ‘San Siro’ pas një viti. Ecuria mbresëlënëse e Atalantës që në debutim të Champions League, u ndoq nga larg Bergamos pasi impianti i tyre u përfshi nga remonti i pjesëshëm.
Pas pritja duket se merr fund pasi prej dy ditësh inspektimesh, stadiumi ‘Gewiss’ në Bergamo është aprovuar nga UEFA për të pritur ndeshjet në shtëpi të Atalantës në Ligën e Kampionëve për edicionin 2020-2021.
Punimet kishin filluar në 7 maj 2019 me rikonstruksionin e Curva Nord Pisani. Nga 25 qershor 2020, filloi rinovimi i UBI Banca Tribunë. Tani me disa gjëra të vogla për të përfunduar, UEFA dhe liçensuesit e saj, do të shfaqen sërish në dy javët e ardhshme për ti dhënë dakortësinë përfundimtre të të luajturit në shtëpi.
Kësisoji, skuadra e Gasperinit me Gjimshitin në përbërje, më në fund do të jetë në gjendje t’i japë qytetit të tij garën më të bukur të futbollit në botë.