Ngriti trofeun, Ramos gati të rinovojë me Realin
Florentino Perez: “Ramos do ta mbyllë karrierën në Madrid. Jam i qetë për këtë. Ai është më shumë se një kapiten në skuadër dhe pa asnjë diskutim një lider i jashtëzakonshëm”.
Në fund të kontratës te Real Madrid, Serxhio Ramos mund të ishte në qëndër të merkatos këtë verë. Sidoqoftë, kapiteni madrilen teksa mbrëmë u shpall kampion me mbretërorët duket se ka vendosur të mbyllë karrierën në Madrid.
Fill pasi të enjten, Real Madrid u kurorëzua kampion pas fitores 2-1 në shtëpi ndaj Vijareal, Ramos foli për të ardhmen e tij. Natyrshëm shtyrë nga deklaratat e presidentit Florentino Perez, i cili tha se ishte i sigurt për një zgjatje të mundshme të kontratës së kapitenit të Merengues.
Ramos: “Do bëhët çfarëdo që presidenti të dëshirojë. Unë jam i kënaqur dhe do të doja ta përfundoj karrierën time këtu. Nuk mendoj se do të ketë ndonjë problem nga ana ime apo e presidentit”.
Kështu pas dëshires për bashkëpunim të ndërsjelltë, Ramos me kontratë deri në qershor 2021, pritet të zgjasë aventurën me galaktikët. Dilema mbetet dhe për sa kohë…