Verstapen absolut, fiton dy garat e Shangait

Piloti i Red Bull Maks Verstapen shënon një dopio fitore në F1 në Kinë. Fillimisht në Garën Sprint dhe më pas në GP zyrtare të dielën.

Holandezi niset mirë nga pole position dhe përpiqet të largohet menjëherë. Në pjesën e parë të garës, vetëm makina e sigurisë ndërsa hyri në pistë për shkak të makinës së Botas (ndaloi për shkak të një problemi teknik), e ngadalësoi garën. Ky është suksesi i 58-të i Verstapen në Formula 1 dhe fitorja e katërt nga pesë gara këtë sezon.

Pas kampionit të botës të Red Bull, Lando Norris zhvilloi një garë të shkëlqyer por jo aq sa të shqetësonte ritmin e Verstapen. Vendi i tretë është rezultat i një beteje mes Serxhio Perez dhe Sharles Leklerk të fituar nga meksikani me një parakalim të madh në seksionin miks të qarkut të Shangait.

Pas suksesit në Shangai holandezi mes të tjerave tha: “Ishte e pabesueshme, ne ishim të shpejtë gjatë gjithë fundjavës. Ne shkuam mirë, makina bëri atë që doja. Këto fundjavat janë fantastike, rezultate të mahnitshme. Kishte mbeturina në pistë dhe deri në fund është e lehtë të kesh ndonjë problem, por nuk ndodhi.

E radhës në Majemi: “Zakonisht është e mirë për ne, por është një pistë e vështirë për një fundjavë e çmendur, sfiduese”.