E shkarkoi Federata, trajneri fiton gjyqin në FIFA
Pekerman (74) u largua nga stoli përpara fillimit të kualifikimeve të Kupës së Botës 2026.
FIFA ka vendosur që Venezuela duhet t’i paguajë afro tre milionë dollarë ish-trajnerit të saj argjentinas Hoze Pekerman si kompensim pas shkarkimit nga detyra e teknikut në mars 2023.
Federata Venezueliane e Futbollit (FVF) do t’i paguajë Pekerman 1.71 milionë dollarë “kompensim të duhur”, plus pesë për qind interes vjetor nga 23 gushti 2023 deri në shlyerjen e borxhit dhe 1.14 milionë dollarë “gjobë”, thuhet në deklaratë.
Pekerman ndërsa ka drejtuar edhe Argjentinën e Kolumbinë, u zëvendësua nga një prej ndihmësve të tij Fernando Batista, i cili i nisi mirë ndeshjet kualifikuese të CONMEBOL (vendi i katërt pas 6 nga 18 raunde), duke përfshirë edhe një barazim (1-1) me Brazilin.