Laçi humb ‘terren’, Erzeni e ndal në shtëpi
Abissnet Superiore,Java 19:
Laçi – Erzeni 0-0
Laçi dhe Erzeni regjistruan barazimin e tretë sezonal mes tyre në sfidën e javës së 19-të Abissnet Superiore. Rastet dhe episodet nuk munguan, edhe pse sfida nuk njohi fitues.
Erzeni e nisi më vrullshëm duke krijuar që në minutat e para, por më pas laçjanët u kthyen zot në shtëpinë e tyre. Rrjeta e Pujës u prek nga Myrta mjaft bukur në të 23′-tën, por pas çekimit nga sistemi VAR goli u anulua për një pozicion të parregullt.
Gjatë fraksionit të dytë, dalja me të kuq e Kristian Da Limës e vështirësoi disi pjesën e mbetur të lojës për kurbinasit, edhe pse vendasit ia dolën të mbanin barazimin deri në fund. Shfaqet mjaft impulsiv Erzeni në minutat e limitit por për shijakasit mungon goli, pavarësisht superioritetit numerik.
Me pikë të barabarta në klasifikim, Laçi dhe Erzeni numërojnë tashmë 1 pikë më shumë duke mbërritur kutoën e 22 të tillave dhe duke ndarë përlatësisht vendin e pestë e të gjashtë. Sakaq, siparin e javës së 19-të e ul paspak supersfida Vllaznia – Kukësi.