Kelaifi shpik idenë e fundit, Mbape një sezon te Al-Hilal
Ditë vendimtare për Kilian Mbape. Disa javë më parë sulmuesi francez refuzoi të aktivizonte opsionin që parashikonte zgjatjen automatike të kontratës së tij me PSG-në nga viti 2024 në 2025, duke i lënë të gjithë të habitur.
Interesimi i Real Madridit është i njohur, megjithatë vëmendje e madhe duhet t’i kushtohet mundësisë për ta parë Mbape në Arabinë Saudite për një vit, me fanellën e Al-Hilal-it që së fundmi ka afruar Kulibali dhe Milenkoviç- Saviç.
‘TuttoMercatoWeb’ raporton se PSG ka pranuar një shumë prej 200 milionë eurosh me një kontratë vjetore të shoqëruar deri në 400 për lojtarin, i cili në këtë mënyrë do të bëhej absolutisht më i paguari në botën e futbollit në një edicion të vetëm.
Një ide e krijuar nga Al Kelaifi për të mos humbur Mbapenë me parametra zero, i cili në verën e vitit të ardhshëm do të ishte i lirë të nënshkruante me Real Madridin. Problemi duket një i vetëm. A do të jenë të gjithë të dakortësuar nga kjo e re që vjen në ‘tavolinë’?/Sportiim.al/