Lot në ‘lamtumirë’, Pajet: Dua të luaj futboll
Dimitri Pajet i jep fund me Olimpik Marsejë. Ishte vetë presidenti i klubit Pablo Longoria ai që njoftoi largimin e 36 vjeçarit të famshëm francez nga skuadra në një konferencë për shtyp.
Kur iu përgjigj pyetjes së parë, lojtari u pushtua nga emocionet dhe lotët.
“Do të doja të vazhdoja të luaja futboll. Vij nga një sezon shumë i vështirë dhe me pak kohë…”, u përpoq të deklaronte Pajet përpara se të pushtohej nga lotët.
“Do të jetë e vështirë… Unë thjesht dua të luaj, të shijoj fushën”, shtoi ai.
Emocioni zgjati deri në fund të konferencës për shtyp, e cila u mbyll me duartrokitje të shumta në sallë. Kështu pas 6 sezonesh te OM, lojtari veteran mbyll me një mirupafshim.
Para se të merrte fjalën Dimitri Pajet, Pablo Longoria ndër të tjera tha: “Nuk është lamtumirë, është “mirëupafshim. OM është shtëpia jote.”
⚪🔵 La fin d'une ère. Une immense page se tourne à l'OM avec l'annonce du départ de Dimitri Payet. Le milieu de terrain de 36 ans, submergé par l'émotion, n'a pu retenir ses larmes au terme d'une conférence de presse émouvante. pic.twitter.com/VE1ALjH3IJ
— RMC Sport (@RMCsport) July 21, 2023
