Gyler: Jam gati, Reali të mos më huazojë
Pas nënshkrimit për 6 vite dhe prezantimit si futbollist i Realit, Arda Gyler (18) po përgatitet të përjetojë një aventurë të madhe në Madrid. Një klub ku turku i tretë pas Hamit Altintop dhe Nuri Shahin do të provojë të lërë gjurmë. Pa shtuar këtu turko= gjermanin Mesut Ozil…
Në fakt, konkurrenca te ‘Los Blancos’ është e ashpër dhe do të jetë e vështirë për hapësirë. Dhe që tani po flitet për një transferim të mundshëm (huazim) për të ndihmuar maturimin e talentit turk.
Megjithatë Arda Gyler e ka përjashtuar fillimisht këtë mundësi: “Ndihem gati, dua të punoj dhe do të përpiqem të jap gjithçka. Mundësia e huazimit? Dua të qëndroj këtu. Nëse më japin mundësinë të luaj, do të provoj. Prandaj jam këtu, nuk dua të shkoj në një ekip tjetër.”
