Gyndogan firmos për Barcelonën
Kontaktet personale të trajnerit të Barcelonës Ksavi Hernandez me mesfushorin gjerman Ilkai Gundogan sollën rezultate pozitive.
Mesfushori turko- gjerman 32-vjeçar, ka nënshkruar një kontratë dyvjeçare me kampionët spanjollë me opsion për një vit tjetër.
Gundogan, i cili fitoi gjithçka me Mançester Sitin, fanellën e të cilit e veshi për 7 vite, në kontaktet që kishte e kuptoi se sa shumë e donin trajneri i Blaugranëve dhe presidenti i Barcelonës, Joan Laporta. Tani, me kalimin te kampionët e Spanjës, cilësia e mesfushës katalanase përmirësohet edhe më shumë.
Futbollisti 32-vjeçar ka nënshkruar kontratë 2+1 vjeçare. Procedurat shkuan me dakortësi edhe nga federata spanjolle, me deklarimin e lojtarit të ri të transferimit.
Gundogan po vjen nga një vit i jashtëzakonshëm me Sitin, ku përveç fitimit të tripletës, ai në 51 paraqitje në të gjitha garat,shënoi 11 gola e dhënë 7 asiste.
