Nuhiu zyrtarisht trajner te Shkëndija Tetovë
Lajmi është bërë i ditur nga vetë klubi përmes një postimi në rrjetet sociale. Mes të tjerave në faqen zyrtare të klubit shkruhet:
“Kampion me Shkëndijën në vitin 2011 dhe fitues i kampionatit dhe Kupës si trajner me Dritën e Gjilanit, Ardian Nuhiut i besohet bankina e kuqezinjëve.
Klubi i Futbollit Shkëndija me kënaqësi komunikon emërimin e Ardian Nuhiut si shef i stafit teknik të KF Shkëndija. Kryesia dhe tekniku 44 vjeçar kanë firmosur kontratë 2 vjeçare, me çka Nuhiu edhe zyrtarisht fillon punën si trajner i Shkëndijës.”
Ish trajneri i Dritës në Kosovë ka firmosur kontratë 2 vjeçare me tetovarët detajet e së cilës ende nuk janë zbardhur.
Nuhiu:
“Ndjehem shumë mirë që jam këtu. Nëse si futbollist arrita që vitin e parë të fitojmë titull, atëherë edhe projekti të cilin e kemi shpalosur këto ditë që kemi biseduar me drejtuesit ka qenë realisht bindës.
Personalisht jam gati për këtë sfidë të re.
Do të ndërtohet një skuadër shumë e fortë për të qenë gati në sfidat në Evropë, pastaj të futemi në kampionat”, tha Ardian Nuhiu, pas firmës mbi kontratë
