Maroku dhe Kroacia, Belgjika mbyll ciklin me…dështim
Botërori 2022, Grupi F:
Kanada – Marok 1-2
Kroaci – Belgjikë 0-0
Fitorja e Marokut ndaj Kanadasë dhe barazimi me Kroacinë e lë Belgjikën jashtë fazës tjetër në ‘Katar 2022’. Grupi F në renditjen përfundimtare sheh Marokun të parin me 7 pikë dhe Kroacinë të dytën me 5 pikë.
Sa i përket ndeshjeve, mjaft e luftuar ishte përballja Kroaci – Belgjikë me dy skuadrat që krijuan por nuk shënuan, duke u treguar edhe shumë të kujdesshme në këtë sfidë delikate. Në fund, e fituar doli Kroacia për të cilën mjaftonte ky barazim.
Lukaku i dështuari i madh te kjo Belgjikë ndërsa Gvardiol u cilësua si heroi i kroatëve në mbrojtje.
Sakaq, Maroku ia doli të fitonte përballë Kanadasë në shifrat 2-1 me gjithçka të zgjidhur në pjesën e parë. Kështu, marokenët fitojnë Grupin F dhe kalojnë një hap më tej./Sara Gjidiaj/
Në mbrëmje zbret në fushë dhe Grupi E teksa Spanja, Gjermania, Kosta Rika dhe Japonia do të mësojnë fatet e tyre në një grup ku llogaritë janë ende të hapura.
Klasifikimi përfundimtar i Grupit F: