Besa pret Lushnjën në Peqin, e Para me tri takime
Nga: Erga Kenga
Do të zhvillohen sot tri takime në Kategori të Parë. Me start orën 14:00 në fushë duelet; Besa- Lushnja, Turbina- Tërbuni dhe Besëlidhja- Burreli.Java e 8-të vijon nesër me derbin e Vlorës, Flamurtari- Oriku (12:30) ndërsa të hënën dy takimet; Korabi- Dinamo dhe në Rrogozhinë, Luzi 2008- Tomori.
Ndërkaq sot Besa- Lushnja merr vemendje maksimale pasi si kavajasit ashtu dhe lushnjarët duken disi prapa me rendimentin e pikëve. Aq më tepër që klubi Besa festoi këto ditë 97 vjetorin e themelimit…
Mjaft i luftuar pritet të rezultojë dhe dueli i Cërrikut. Në ‘Nexhip Trungu’, Turbina kërkon tri pikë për ti ikur fundit ndërsa Tërbuni, objektiv të vetëm ka konkurencën me dy vendet e para.Ndeshja e fundit e ditës përkon me derbin rajonal teksa në Lezhë përballen Besëlidhja dhe Burreli.
Edicionin e kaluar në përballjet mes tyre përfshirë dhe Kupën, kanë prodhuar lojë spaktakolare shoqëruar me gola.
Java e 8-të Kategori e Parë:
14:00
Turbina- Tërbuni
Besëlidhja- Burreli
Besa- Lushnja (në Peqin)
Të dielën:
12:30
Flamurtari- Oriku
Të hënën:
14:00
Korabi- Dinamo
Luzi 2008-Tomori (në Rrogozhinë)
Takimi Apolonia- Skënderbeu është shtyrë.