Franca “shpërfytyron” Italinë
Përgatiti: Sara Gjidiaj
Në Europianin e femrave që po luhet në Angli, këtë mbrëmje në Rotherham, kombëtarja franceze, e treta në ranglistën e FIFA-s, ia ka dalë të fitojë pa vështirësi me “manita” përballë Italisë.
Shifrat përfundimtarë Francë- Itali 5-1
Në pjesën e parë francezet shfaqën teknikë dhe u treguan të sakta para portës teksa gjetën rrjetën pesë herë. Zhejoro (9′), Katoto (12′), Kaskarino (38′) dhe sërish Zhejoro (40′, 45′) shënuan për Francën në 45 minutat e para.
Franca “zbehet” në pjesën e dytë ndërsa Italia “zgjohet” duke përmirësuar diçka në lojën e saj. Madje duke gjetur golin e nderit në minutën e 77′-të me Piemonten e sapofutur në fushë.
Në minutat e mbetura nuk ndryshon asgjë. Keshtu, Franca e nis me një fitore të thellë duke u konfirmuar si një nga skuadrat pretendente për të fituar Europianin 2022.
Ndërkaq më herët u luajt edhe sfida tjetër e Grupit D midis Belgjikës dhe Islandës e cila u mbyll në barazim 1-1.
Nesër rikthehet vëmendja te Grupi A. Austria sfidon Irlandën e Veriut në 18:00, ndërsa Anglia vendase do të ketë përballë Norvegjinë duke nisur nga ora 21:00. Për Italinë ndeshja e radhës do të jetë ndaj Islandës në 14 korrik. dy të parat e çdo grupi kalojnë më tej.
Pas përfundimit të raundit të parë të takimeve, renditja në grupe është e tillë:
Grupi A:
Norvegji 3
Angli 3
Austri 0
Irlandë e Veriut 0
Grupi B:
Gjermani 3
Spanjë 3
Finlandë 0
Danimarkë 0
Grupi C:
Portugali 1
Zvicër 1
Holandë 1
Suedi 1
Grupi D:
Francë 3
Belgjikë 1
Islandë 1
Itali 0