Inter fiton Kupën e Italisë, Juve bie në shtesë
Kupa e Italisë në Olimpico’: Juventus- Inter 2-4 (2-2 në 90′) (Aleks Sandro 50′, Vlahoviç 52′ / Barela 7′, Çalhanoglu 80′ (p), Perisiç 99′ (p), 102′)
Finale spektakolare mes Juves dhe Interit sot në Romë. Në finalen e luajtur në 21:00 dhe e drejtuar nga Paolo Valeri, të dyja skuadrat e kërkuan me insistim trofeun e dytë më të rëndësishëm në Itali.
Fillimisht hapi Barela për Interin me një supergol në të 6-ën ndërsa me fillimin e së dytës vijnë dy gola bardhezi në 2 minuta. Barazoi Aleks Sandro në të 50′ dhe më pas Vlahoviç (52′) me dy tentativa mposhti Handanoviç për përmbysjen e madhe.
Mirpo Inter ende se kishte thënë fjalën e tij. Në të 80′-ën Çalhanoglu godet në skajin e sipërm një penallti duke barazuar e dërguar në shtesë.
Aty skenën e merr kroati Ivan Perisiç. Anësori shënon me penalltinë e dytë në favor të zikaltërve (99′) ndërsa në të 102′-ën shënon një supergol nga larg për 2-4 final./Sportiim.al/