Eriksen rikthehet në kombëtare
Danezi pas peripecive me shëndetin në ‘Euro 2020’ rikthehet të luajë futboll në nivel përfaësuesje. Listohet për ndeshjet miqësore.
Një hap tjetër drejt normalitetit: Kristian Eriksen do të rikthehet për të veshur ngjyrat e kombëtares daneze për herë të parë që nga 12 qershori 2021, kur një arrest kardiak e goditi gjatë ndeshjes së Euro 2020 kundër Finlandës, duke i shkaktuar frikë për jetën dhe karrierën e tij.
Ish-mesfushori i Interit, tani në Premier League në Brentford, është thirrur nga trajneri Kasper Hjulmand për miqësoret e planifikuara për 26 dhe 29 mars kundër Holandës dhe Serbisë.
Ndërkaq FIFA ka sqaruar javët e fundit se për danezin nuk ka kufizime në mundësinë e luajtjes së ndeshjeve ndërkombëtare, përfshirë ato të Botërorit 2022, duke qenë se Federata Ndërkombëtare përdor raportet klinike të federatave individuale.