Mihana nderon Dinamon, Memelli lajmëron divorcin
Java 24-ët, Abissnet Superiore: Skënderbeu- Dinamo 0-1 (Mihana 2′)
Dinamos i mjaftoi një supergol i Redon Mihanës në minutën e 2-të të takimit me Skënderbeun për të marrë tri pikë mjaft të vyera ndaj njërit prej rivalëve direkt për qëndrimin në elitë.
Më tej sfida e cila u shoqërua nga temperatura të ulëta dhe reshje dëbore, eci nën menaxhimin e ‘ëmbël’ të bluve që në këtë duel delikat duket se kishin zgjedhur elementët e duhur për ‘top 11’-in e fushës
Ndërkaq në këtë ndeshje përmbyllëse të javës së 24-ët Migen Memelli duket se është dorëzuar ndërsa pas ndeshjes për Supersport ndër të tjera ka deklaruar:
“Nuk dua të bëhem barrë për askënd. Do të bisedoj me presidentin, sepse situata nuk është e mirë, që ti hapim rrugën dikujt tjetër.
Të vijë të bëjë një punë, sepse dhe lojtarët e shikoj që janë pak të ngarkuar dhe kur situata dhe rezultate nuk janë të mira, ai që paragjykohet dhe goditet i pari jam unë.”
Ndërkaq korçarët tani rrezikojnë seriozisht sezonin. Me 6 pikë nga zona play out dhe disa futbollistë ende janë në infiermeri, kriza duket e madhe. Të dielën udhëtojnë drejt Laçit.