Atalanta jashtë, Juve merr kualifikimin në fund
Inter- Milan dhe Juventus- Fiorentina gjysmëfinalet e Kupës së Italisë
Kupa e Italisë sot me dy takime. Atalanta shpërdoron mundësinë e gjysmëfinales teksa ndaj Fiorentinës udhëhiqte në shifra dhe numër futbollistësh në fushë por në fund Milenkoviç shënon golin e triumfit për ekipin viola.
“Fitorja në momentin e fundit është e pabesueshme “. Kështu shprehet pas ndeshjes Nikola Milenkoviç ndërsa i dha Fiorentinës gjysmëfinalet e Kupës së Italisë.” Edhe sot propozuam futbollin tonë dhe idetë tona, besuam në to edhe kur ishim me 10 lojtarë” tha për “Coppa Italia live autori i golit të tretë në suksesin 2-3.
Sakaq Juventus-Sasuolo u vendos nga një autogol i Ruan 2 minuta nga fundi. bardhezinjtë pasi shënuan me Dibala në 1′ u barazuan nga Sasuolo me anë të Traore. Në fund autogoli në favor dhe Juve në gjysmëfinale.