Goditet autobuzi i Prishtinës

Sipas ‘Telegrafi.com’, autobusi me lojtarë dhe zyrtarët e klubit të basketbollit Prishtina, është goditur dhe coptuar keq në orët e mbrëmjes së sotme në Pejë.

Ngjaja e pazakontë vandale me sulmin mbi autobusin e skuadrës së basketbollit të meshkujve nga Prishtina ka ndodhur me të mbërritur para palestrës në Pejë, ku po mbahet turneu final i Kupës së basketbollit të Kosovës.

Pas sulmit, sipas burimit në fjalë, pati edhe tentim të tifozëve për të sulmuar zyrtarë dhe lojtarët e klubit të Prishtinës.

Ky incident raportohet të ketë ndodhur pas ndeshjes Trepça- Rahoveci dhe para ndeshjes Peja-Prishtina. /Sportiim.al/