Ceferin në Tiranë, takime me Ramën e Dukën
Zgjedhjet për kreun e FSHF-së si dhe Finalja e Conference League, sjellin në Tiranë, Presidentin e UEFA-s Aleksandër Ceferin..
Presidenti i UEFA-s, Aleksandër Ceferin pasi asistoi në inagurimin e ‘Air Albania Stadium’ në Shqipëri- Francë (2019), ka mbërritur sot në Tiranë.
Sipas asaj që raportohet nga institucioni i lartë i futbollit në vend, kreu i UEFA-s ka një axhendë të ngjeshur mes të cilave dhe një takim me presidentin e FSHF-së, Armand Duka, dhe kryeministrin Rama.
Mësohet se Ceferin pas përfundimit të drekës me Dukën, është nisur drejt Kryeministrisë për t’u takuar me Edi Ramën.
Presidenti i UEFA-s ka zbarkuar në Shqipëri në lidhje me zgjedhjet për kreun e FSHF-së si edhe për finalen e Conference League.
Axhenda e Ceferin
12:30 – mbërritja në Aeroportin “Nënë Tereza”
13:00 – drekë me presidentin e FSHF-së Armand Duka
15:00 – takim në kryeministri me Kryeministrin Edi Rama
16:00 – vizitë në FSHF
18:00 – largimi nga Tirana