Verstapen i ikën 33-it, numri ‘1’ në kaskë e makinë

Kampioni i F1 i vitit 2021, Maks Verstapen, ka zbuluar kaskën që do të përdorë në vitin 2022, teksa kërkon të mbrojë titullin e tij të parë.

Piloti i Red Bull tregoi gjithçka në mediat sociale. Verstapen i vendosur të përdorë një variacion kaske kryesisht të bardhë në modelin e tij tradicional të helmetës, të mbuluar me një luan të artë në krye. Një yll ari në pjesën e pasme të helmetës nuk mund të mungonte duke personiikuar fitimin e titullit të parë të tij në F1.

Ndër të tjera Verstapen që ka njoftuar se do të drejtojë makinën e re jo me numrin e zakonshëm 33 por me numrin ‘1’. Sebastian Vetel e përdori këtë numër në 2014, sezoni i parë ku pilotët mund të zgjidhnin numrat e tyre.

Verstapen shprehet:

Përshëndetje të gjithëve. Është momenti të prezantoj kaskën e vitit 2022.

Siç e shihni ka shumë ngjyrë ari. Edhe slogani “të bën me krahë” është me këtë ngjyrë dhe shkon shumë. Dhe natyrisht është numri 1”