Guardiola: Koha e protestës së futbollistëve

Pep Guardiola shpërthen në atë që në Angli po konsiderohet torturë e kalendarit. Me infektimet e Omicron të shtuara edhe kreu i ‘qytetarëve’ del hapur në kundërshti.

Problemi është përsëritur prej vitesh, por tashmë, me situatën plotësisht jashtë kontrollit, ka ardhur koha për të vepruar.

Situata e kalendarëve në Angli, tashmë e stigmatizuar nga Klop, ndezi edhe Pep Guardiolën, i cili përdori fjalë të forta: “Një protestë nga lojtarët do ta zgjidhte problemin. Fjalët janë të kota. Premier League mendon së pari për biznesin sesa për shëndetin e lojtarëve. Ne jemi gjithashtu liga e vetme me tre zevendësime në vend të pesë”.

Gjithashtu Drejtori i Përgjithshëm i Shoqatës së Futbollistëve Profesionistë është i qartë, duke thënë: “Kam biseduar me shumë lojtarë për këtë problem, jam marrë në mënyrë konstruktive me ta. Kjo duhet të rregullohet tani. Nuk mund të mbesë gjithnjë në rrugë.”