Halili: Tirana fitoi një ndeshje të rëndësishme
Presidenti i Tiranës Refik Halili i harroi të gjitha problemet që u konstatuan në organizimin e kësaj sifide. Pas duelit të fituar me Partizanin 1-0, kreu bardheblu, u përpoq të ulë euforinë duke u deklaruar se titulli kampion është shumë herët për tu konsideruar i tyre.
Halili:
“Derbi ka rëndësi shumë të madhe për ne. Kuptohet që është një ndeshje e rëndësishme, i ka rezultatet të gjitha brenda. Jemi të kënaqur që e fituam këtë ndeshje, shpresojmë të festojmë sonte dhe çunat të ecin para.
Për sa i përket klasifikimit, jemi në vend të parë, por për të folur për titull duhet punë e të fitojmë ndeshje të tjera që të ecim para. Sa i përket titullit, është shumë, shumë shpejt, kemi shumë punë për të bërë.”