Duka: Grillo ishte personazh i dashur…
Për ndarjen e parakohëshme nga jeta e komentatorit dhe gazetarit të njohur sportiv Kosta Grillo ndalet e shkruan në rrjete edhe presidenti i FSHF-së Armand Duka.
Kreu i futbollit shqiptar duke i shprehur ngushëllimet familjarëve të Kosta Grillos për këtë humbje të madhe shkruan:
“I dhimbshëm lajmi për ndarjen nga jeta të gazetarit e komentatorit të mirënjohur sportiv, Kosta Grillo, cili nuk ia doli dot të fitojë betejën me Covid-19. Një personazh mjaft i dashur për sportdashësit shqiptarë, të cilët për vite me radhë kanë përjetuar emocionet e ndeshjeve nga ekrani i televizorit me komentin e Kostës. Dua t’i shpreh ngushëllimet më të sinqerta familjes Grillo, të afërmve dhe miqve të tij. I paharruar qoftë kujtimi i tij. U prehtë në paqe!”, – shkruan Presidenti Duka në një postim në rrjetet sociale.