Hakaj, pritet zyrtarizimi te Vllaznia
Samsunspori mbetet një fazë kalimtare. Esin Hakaj sipas të gjitha gjasave do të kthehet të luajë në Superiore. Nuk do të jetë Teuta e as Partizani me të cilat ka shkëlqyer si mbrojtës i linjës së majtë…
Në fund të sezonit, Hakaj u largua nga Partizani si lojtar i lirë dhe më pas gjeti akordin me turqit e Samsunspor përkrah bashkëqytetarit Eraldo Çinari. Me kalimin e ditëve gjërat morën një tjetër udhë dhe 24-vjeçari nuk pa dritë jeshile për vijimësinë.
Në fakt drejtuesit i propozuan huazim në një tjetër ekip por shkodrani refuzoi me bindje dhe kërkoi prishjen me mirëkuptim të marrëveshjes.
Ndërkaq, Vllaznia e pret si “uji i pakët”. Oferta thuajse gati dhe në Shkodër shprehen se Esin Hakaj mund të zyrtarizohet në orët në vijim.
