Muça mbyll me Prishtinën, klubi e falenderon
Futbollisti tiranas Gentian Muça ka mbyllur aventurën me Prishtinën në Ipko. Mbrojtësi në një sezon, arriti të shpallet kampion me ekipin e kryeqytetit kosovar duke lënë gjurmë e marrë mbresa mjaft të mira nga klubi bardhekaltër.
Prishtina ka falënderuar futbollistin për profesionalizimin, kontributin, korrektësinë dhe sjelljet e tij të shkëlqyera ndaj gjthë faktorit sportiv në klub.
Ndërkaq nuk dihet nëse Muça do të rikthehet te klubi mëmë Tirana. Lajmi për një përfshirje të re te bardheblutë ka qarkulluar prej disa ditësh.