Teuta-Partizani, Tirana-Laçi, koha nuk ‘pret’
Kategoria Superiore futet zyrtarisht në zonën e verdiktëve. Në 17:00, 5 çifte të Superiores në fushë për të diskutuar javën e 34-t. Deri tani vetëm Apolonia e Fierit ka mësuar fatin e saj e cila sipas pikëve të akumuluara por dhe ato që mund të mbledhë, nuk e mbajnë dot në elitë. Asnjë objektiv sezonal për Kukësin me verilindorët që do të luajnë për qejf në tri takime.
Teuta- Partizani:
Kthyer te tema e ‘ditës’ , dueli në Niko Dovana’ të Durrësit, zhvillimet atje, janë me pritshëmri të lartë. Teuta vendase teksa kryeson kampionatin, do ndeshet me Partizanin ndjekës në një finale titulli.
Fitorja eventuale e Teutës, praktikisht hap shampanjën në kampin bregdetar për të nisur festën e titullit të dytë në histori ( pas atij të vitit 1993-94). Sfidanti, Partizani i Tiranës, ende nuk ka dhënë ‘visto’. Skuadra e Dajës për atë që ka prodhuar pas janarit, është e aftë të fitojë kudo. Te të dy kampet ka entuziazëm. Nuk ka të pezulluar.
Tirana- Laçi (Air Albania Stadium):
Do të jetë një finale e vërtetë për europën. Bardheblutë pasi kanë ecur me ritëm prej kampioni, gjëndën vetëm tri pikë larg bardhezinjëve që nga pretendentë për titull, e shohin vetën të rrezikuar për të marrë një biletë europiane. Shehi, nuk ka në dispozicion Torasën. Te Laçi, kontigjenti në dispozicion.
Vllaznia-Kastrioti:
Në dukje Vllaznia e qetë pasi ka një bonus europian që mund ti vijë nga fitimi i Kupës së Shqipërisë. Gjithnjë nëse fiton finalen me Skënderbeun në 29 maj. Sot do t’i duhet të japë maksimumin në fushë ndaj Kastriotit që u rrokullis si me dorë drejt fundit të tabelës. Shkodranët e duan një biletë për në Conference League. Nuk do të kenë sherbimet e Adilit dhe të Kaleziç.
Skënderbeu-Apolonia:
‘Topi është i rrumbullkaët’, thonë të “vjetrit”. Një bazë duhet të ketë tog-fjalëshi pasi shpesh ai nuk bindet dhe zhbën parashikimet. Për të mos kërkuar më tej për shprehjen tjetër i ‘mbyturi të mbyt’. Korçarët, skuadra e momentit. Sot ma Uendi Marën e pezulluar.
Kukësi-Bylis (‘Elbasan Arena’):
Kuksi ka dështuar të jetë konkurent për objektivët lart këtë edicion. Në kushtet e reja, skuadra e Josës pritet të aplikojë formacione të ‘përditësuara’ nga elementët bazë dhe atyre të stolit. Për Bylis e ndaluar të humbë.
Kategoria Superiore, java e 34:
17:00
Skënderbeu-Apolonia
Teuta-Partizani
Kukësi-Bylis
Tirana-Laçi
Vllaznia-Kastrioti
Klasifikimi pas javës së 33:
