Kampionat i çmendur
Teuta merr kryesimin, Skënderbeu për herë të parë del nga rrëzimi direkt…
Skënderbeu- Partizani 1-1 (Mensah 56’/ Zhunior 44′)
Tani e ka radhën…derbi. Partizani- Tirana të enjten për ti dhënë ngjyrime të tjera këtij edicioni aspak normal.
Për të 32-ën, ka barazuar Skënedrebu ndaj Partizanit 1-1 në një sfidë e cila për atë që prodhoi loja, duhej të kishte një kah. Fitoren e skuadrës së Ilir Dajës. Megjithatë, korçarët ia dolën të marrin një pikë të çmuar e cila me gjasë do t’i bëjë punë në llogaritë e fundsezonit. Për momentin, kalon Bylis dhe Apoloninë.
Teuta- Bylis 4-0 (Aleksi 16′, Qirko (autog 57′), L.Vila 74′, Bregu 94′)
Në Durrës, Teuta shpartallon Bylisin 4-0 dhe merr kreun e renditjes me 59 pikë. Suksesi i ‘djemëve të detit’ u pa që në fillim kur Teuta kaloi përpara me golin e parë të shënuar nga Albano Aleksi.
Në pjesën e dytë, autogoli i portierit Qirko mbylli kapitullin e tri pikëve të durrsakëve të cilët me Lorenco Vilën shënojnë të tretin në të 74-ën.Në fund nuk mund të mungonte Dejvi Bregu ndërsa plotëson ‘pokerin’ e ditës në ‘Niko Dovana’ në të 94-ën. Teuta e para.
