Korabi pret Burrelin, të dielën derbi për…
Nga:Fatmir Zhuzhi
Dy javë nga fundi, Burreli 40 pikë, Korabi 39. Flet Zv/ trajneri Beqiri.
Kategoria e Parë ende nuk i ka mbyllur llogaritë. Sidomos në Grupin A zona e promocionit teksa veç Dinamos tashmë tri pikë larg rikthimit, për një ndeshje shtesë garojnë Korabi dhe Burreli.
Të dielën në Peshkopi, luhet pikërisht derbi i Qarkut Dibër ndërmjet Korabit e Burrelit. Në fakt të dy klubet veriore kanë kontestuar gjykimet e fundit me blutë por këtë radhë do ju duhet ta ndajnë mes tyre ‘racionin’ e vendit të dytë.
Për ‘Sporti im.al’, foli matjani i Korabit,trajneri i portierëve Besnik Beqiri.
“Pavarësisht humbjes me Dinamon ekipi i është kthyer normalitet dhe ka vazhduar stërvitjen me rigoriozitet e besim. Po luftojmë për të zënë vendin e dytë, për të kapur zonën play- off. Sfida ndaj Burrelit është tepër e vështirë pasi kundërshtari ka një ekip mjaft të mirë. Dionis Imeraj dhe Agron Malaj në rolin e presidentëve respektivë, i mbështetën ekipet e tyre pa kompromis dhe vërtetë meritojnë të dy ta shohin skuadrën në elitë,“, tha ndihmësi i Canajt te Korabi.
Ndërkaq pas seancës së fundit në Tirnë dibranët do të udhëtojnë drejt Peshkopisë.
Formacioni i munëshëm i Korabit: Mëhidri; Dida, Duka, Papleka, Muça; Çutra, Joti, Ismailaj, Topalli; T Marku, Skuka.Tr: A.Canaj.