Champions, Lahoz drejton Bajern-PSG, Feliks Bryzh te Reali
Çerekfinale: Të martën dhe të mërkurën duelet e mëdha të vajtjes në Champions League.
Mançester Siti-Borusia Dortmund, Porto- Çelsi, Bajern Mynih-PSG dhe Real Madrid- Liverpul janë këto takimet e Ligës së Kampionëve që nisin nesër me ndeshjet e vajtjes.
Të gjitha të rëndësisë së madhe por çiftet Bajern Mynih-PSG dhe Real Madrid-Liverpul duken si më të zjarrtët.
Finalja parashikuar të zhvillohet më 29 maj në stadiumin “Ataturk” në Stamboll.
Ndërkaq UEFA ka caktuar si arbitër kryesor te Real- Liverpul gjermanin Feliks Bryzh ndërsa te Bajern-PSG spanjollin Mateu Lahoz. Ndër gjyqtarët më të mirë në botë.
Te Porto- Çelsi (luhet në Sevilje) slloveni Slavko Vinçiç ndërsa te Siti- Dortmund gjykon Ovidiu Hategan nga Rumania.