Vllaznia, fitorja e 10-të për titullin e…10-të
Kategoria Superiore, java e 14-të:
Kukësi-Vllaznia 0-1 (Kalaja 58′): Teuta- Bylis 2-0 (L.Vila 28′, Gruda 66′)
Elbasan:
Ngjan me një fitore të 10-të sezonale për një titull të 10-të kampion. Kështu Vllaznia e Shkodrës ia del ta kalojë edhe Kukësin në rrugën e saj drejt konsolidimit të titullit kampion në këtë edicion ku askush nuk i kishte projektuar shkodanër si forcë të parë.
Një gol i shënuar nga Arlind Kalaja në të 58-ën, i mjaftoi kuqebluve për të dërrmuar akoma më tej nënkampionët e vendit që si kurrë më parë në elitë, po kalojnë momentet më të vështira.
Në fakt, skuadra e Rrahmanit e ka nisur më mirë lojën aq sa për 30 minuta, u duk se ishte ajo padronja e ‘Elbasan Arena’-s. Loja nga krahët ishte prioritet i verilndorëve por me një Eze zero në vijën e parë, gjërat u vështirësuan. Një shtyllë aksidentale për Kukësin nga Hetemaj, fare pak.
Durrës:
Një gol i Lorencio Vilës, e më pas ai i Grudës, i japin tri pikë të vyera Teutës së teknikut Edi Martini në përballjen e tyre sot ndaj Bylisit. Në “Niko Dovana”, skuadra e Dovedan, përkundër largimëve të futbollistëve si Murataj e Mëllugja por dhe mungesën e detyruar të Ndrecës, nuk bën asgjë për të qëndruar në lojë.
Madje dhe në rastet e golave vendas, gabon keq duke vështirësuar situatën në fund të tabelës.Pas këtij tri pikëshi, formacioni i Teutës, ngjitet në vend të dytë me 23 pikë.
Takmiet e tjera të javës, luhen nesër duke nisur nga ora 13:45.