Kampionati në rrezik, Liga kërkon të ‘luajë’ në rrugë
Ligës Profesioniste e Futbollit ashtu si dhe kishte njoftuar u mblodh sot në ambientet e ‘Air Albania Stadium’ për të diskutuar për hapat e mëtejshëm të problemëve që u stivosën nga nisma për bojkot.
Pas shumë diskutimësh, Liga doli me një deklaratë për shtyp. Në të, veç të tjerave shkruhet se në datën 10 tetor do të organizohet një protestë masive e futbollistëve..
Liga Profesioniste e Futbollit:
Deklaratë për shtyp
Tiranë 29.09.2020
Anëtarët e Ligës Profesioniste të Futbollit u mblodhën sot për të diskutuar në lidhje me çështjet organizative dhe me vijimin e bojkotit të kampionatit të Kategorisë Superiore. Gjatë diskutimeve Asambleja e Ligës u dakordësua për hapat e mëtejshëm në luftën për plotësimin e katër kerkesave të Ligës drejtuar qeverisë. LPF do të intensifikojë kontaktet me negociatorin e qeverisë z. Fidel Ylli dhe për këtë ngarkohet Kryetari i Ligës dhe Sekretari i përgjithshëm për te ndjekur hap pas hapi ecurinë dhe reagimin e qeverisë pas dërgimit të relacionit shpjegues për kërkesat e Ligës.LPF është e vendosur për vazhdimin e bojkotit dhe përshkallëzimin e protestave, duke projektuar protestën masive të futbollistëve më datë 10 tetor 2020. Për këtë do të ngrihet një grup pune për organizimin e saj dhe sensibilizimin e opinionit publik.Deri më tani nuk kemi asnjë reagim nga qeveria për kërkesat e Ligës. Anëtarët e Ligës Profesioniste të Futbollit mbeten shpresëplotë për një përgjigje sa më shpejtë nga ana e qeverisë dhe për veprime konkrete në shqyrtimin dhe plotësimin e këtyre kërkesave që mund të sjellin zgjidhjen e ngërçit të krijuar.
