“Testimet, vetëm në Maqedoni ose Hungari”
Federata e Futbollit të Kosovës nuk do të pranojë që ekipet dhe kombëtarja të testohet për koronavirus nga Instituti Kombëtar i Kosovës, por në Maqedoni ose në Hungari. Krejt kjo pasi testet e Kosovës nuk po njihen më nga UEFA.
Sekretari i përgjithshëm i FFK-së, Eroll Salihu tregon për “Top-Channel” se kjo situatë ka ardhur, pasi dy ekipe Drita për Champions League dhe Prishtina për Europa League u testuan në Prishtinë ku rezultuan negativë, por nga testimet e bëra, në njëra në Zvicër e tjetra në Gjibraltar, rezultuar me disa lojtarë pozitivë.
Si rezultat të dy ekipet humbjen ndeshjet 3-0 në tavolinë, pasi Zvicra nuk e lejoi Dritën të dalë nga karantina, ndërsa Prishtina nuk kishte lojtarë për të futur në fushë.
Salihu tregon, se kombëtaren e Kosovës e presin sfida të mëdha në muajt në vazhdim, ndër to edhe ndeshja ndaj Maqedonisë, e cila është një shans për t’u kualifikim për Kampionat Europian.
Ndërkohë sekretari Salihu tregon se ekipet janë duke u përgatitur për fillimin e Ipko Superligës së Kosovës, që pritet të startojë me 12 shtator.
Megjithëse mendim i të gjithëve ishte, se edicioni që përfundoi do të duhej të hidhet në harresë, si pasojë e pandemisë, por duket se edhe edicioni vijues, do të shfaqë probleme të vjetra e të rejam, si rezultat i COVID-19.