UEFA, një suedez për sfidën ndaj Cvezdës
UEFA ka vendosur që suedezi Kasper Sjoberg të jetë gjyqtari kryesor, i cili do të japë drejtësi midis Tiranës dhe Crvena Zvezdës, e vlefshme për turin e dytë të Champions League.
Në takimin e 25 gushtit, që do të nisë në orën 20:00 në “Air Albania Stadium”, gjyqtari Sjoberg do të ndihmohet nga asistentët Peter Magnuson dhe Mikael Hallin, edhe këta suedezë.
33-vjeçari skandinav është një gjyqtar pa shumë përvojë ndërkombëtare. Stemën e FIFA-s Sjoberg e ka marrë vetëm vitin e kaluar, ndërkohë që ka drejtuar te të rinjtë, si fjala vjen vitin e shkuar ndeshjen e 17-vjeçarëve, Portugali-Shqipëri (4-0).
