Zvezda analizon Tiranën, ‘kurrë nuk kalon në turin e tretë’
Tirana do të presë në 25 gusht në ‘Air Albania Stadium’, Zvezdën e Beogradit në një duel për turin e dytë kualifikues në Champions League.
Ish- skuadra kampione europe në sezonin 1990/91, shpresonte të ndeshej me gjeorgjianët e Dinamo Tbilis por fitorja fantastike e Tiranës dje (0-2), ua ka tjetërsuar planet.
Kjo vihet re edhe në një material të zgjeruar që klubi i Cverna Zvezdës publikon në faqen zyrtare të klubit teksa analizon në detaje…
Postimi:
“Në raundin e dytë të kualifikimeve për Ligën e Kampionëve, Ylli i Kuq do të takojë Tiranën. Skuadra jonë e kapërceu me lehtësi Europën e Gjibraltarit (5: 0) dhe po priste rezultatin e duelit mes Dinamos dhe Tiranës në Tbilisi. Skuadra shqiptare festoi në Gjeorgji me 2: 0, dhe kalimin drejt Tiranës e solli Torasa argjentinas, me një gol në kohën shtesë të pjesës së parë, dhe të Ismajlgecit në fund, i cili konfirmoi kalimin e skuadrës së tij për më tej.
Në dallim nga raundi i parë kur Zvezda ishte pritës, në raundin e dytë, skuadra do të luajnë jashtë. Të martën, 25 gusht, Tirana dhe Zvezda do të hapin raundin e dytë të kualifikimeve për Ligën e Kampionëve. Ndeshja në Tiranë do të luhet nga ora 20 e mbrëmjes.
Ylli i Kuq do të takojë një ekip shqiptar në garat evropiane për herë të parë në historinë e tij. Në Europë, klubi ynë luajti më së shumti ndeshje kundër skuadrave që vinin nga Gjermania, Spanja, Italia dhe Anglia.
Me eleminimin e Dinamo Tbilisit, Tirana përsëriti suksesin e saj më të madh në skenën evropiane. Skuadra nga kryeqyteti shqiptar arriti të vendosej në raundin e dytë të kualifikimeve për Ligën e Kampionëve disa herë, por kalimi në fazën e tretë ishte dhe mbetet një pengesë e pakapërcyeshme (shpresojmë që nuk do të ketë ndryshime në atë fushë edhe pas duelit me Zvezdën). Tirana nuk pati sukses të madh në Kupën e Kupave apo në Europa League. Kundërshtari i rradhës i Zvezdas luajti disa ndeshje me skuadra nga rajoni (Dinamo Zagreb, Varaždin, Gorica), por Tirana nuk u takua me ekipe nga Serbia‘-shkruan Zvezda në profilin e saj zyrtar.
