FC Prishtina, kaplohet nga COVID-19
Koronavirus vijon të godasë pamëshirë edhe në futboll. Kështu siç raportohet nga Prishtina, skuadra e Armend Dallkut, pas analizave të djeshme, ka marrë përgjigje për 7 njerëz me COVID-19.
Aktualisht Prishtina fituesee Kupës së Kosovës pak ditë më parë ndaj Ballkanit, ka nisur përgatitjet për aventurën europiane në Istog.
Njoftimi:
“FC Prishtina mbrëmë ka pranuar rezultatin e testeve nga IKSHPK dhe nga 34 të testuar, pozitiv kanë dalë shtatë sosh, tre futbollistë, njëri prej tyre 17 vjeç dhe katër anëtarë të stafit të ekipit. FC Prishtina e priste një rezultat të tillë dhe ky testim i duhej që skuadra të ishte sa më e sigurt para ndeshjeve të Evropës. Të gjithë të infektuarit nuk kanë simptoma të theksuara dhe nuk kanë udhëtuar me skuadrën në Istog, ku sot në mëngjes mbajti seancën e parë stërvitore.
Të infektuarit pritet të ri-testohen sërish pas pak ditësh, sepse konsiderohet që të gjithë janë në fund të procesit të infektimit dhe afër shërimit të plotë.
Skuadra do t’i vazhdojë përgatitjet në fushën e Istogut deri më 17-18 gusht, derisa të mësojë kundërshtarin e ndeshjes para-eliminatore (e mëson më 9 gusht), kurse ndeshjen e zhvillon me 20 gusht, vendas apo mysafir, varet nga shorti”.