Meta dekoron katër ikonat e gazetarisë sportive…
Në ditën Botërore të Gazetarëve Sportivë, Presidenti i Republikës së Shqipërisë z.Ilir Meta, ka dekoruar sot në mjediset e presidencës katër ikona të gazetarisë sportive në vënd.
Me urdhërin ‘Kalorës i Urdhërit të Flamurit’ u dekoruan gazetarët Besnik Dizdari dhe Ismet Bellova.
Po me dekoratë të lartë, u vlerësuan edhe gazetarët e njohur Vladimir Grillo e Ahmet Shqarri. Si Grillo ashtu dhe Shqarri merituan titullin ‘Mjeshtër i Madh’.
Në takim i cili u moderua nga gazetari i RTSH Defrim Methasani, morën pjesë edhe personalitete të ndryshme nga fusha e sportit, familjarë e miq./Sporti im.al/.
