Nis takimi, Kumbulla drejt Lacios…
● Mediat italiane ndjekin axhendën e pronarit të Veronës me destinacion vilën e Lotitos. Në takim edhe Igli Tare…
Igli Tare dhe Lacio kërkojnë të mposhtin konkurencën për Marash Kumbullën nga ekipet e tjera prestigjioze, deri sot me objektiv shqiptarin e Veronës.
Sot në selinë e Lotitos, në ‘Villa San Sebastiano’, mund të konkretizohet parakalimi përfundimtar i Lacios, në duelin paraprak ndaj Interit dhe skuadrave të tjera. Lotito pritet të ofrojë 18 milionë “cash”, dhe 2-3 milionë në formë bonusesh dhe dy lojtarë emrat e të cilëve vërtiten te Lombardi dhe Valon Berisha.
Në fakt, pronari i Hellas Verona, Seti, mbërriti disa minuta më parë në zyrat e presidentit të Lacios.
Pritet një takim me Lotiton, për të diskutuar transferimin e Kumbullës në kryeqytet. Me ta, edhe drejtori sportiv i Lacios, Igli Tare i cili mbërriti menjëherë pas Setit -njofton TMW.
#Lazio, si prova a chiudere per #Kumbulla: ecco il patron dell’#Hellas #Setti che arriva a Villa San Sebastiano in compagnia di #Tare
— TUTTOmercatoWEB (@TuttoMercatoWeb) June 25, 2020
Previsto incontro con #Lotito pic.twitter.com/aH9IMNIQ8m