Rikthehet futbolli në Itali, sot Juve-Milan
● Gjysmëfinalja e kthimit e Kupës së Italisë sot në 21:00 në ‘Allianz Stadium’ të Torinos. Finalistja tjetër zbardhet nesër në Napoli mes Napoli-Inter (1-0)
Rifillon sot në 12 qershor me Juventus-Milanin, gjysmëfinalen e kthimit të Kupës së Italisë. Pas pak më shumë se tre muaj abstenimi (9 mars), futbolli italian fillon sërish.
Këtë herë në mënyra të reja, të përshtatura me rregullat e diktuara nga Koronavirusi global. Para së gjithash, pa spektatorë.
Dyert e mbyllura ndërsa si kudo, krijojnë atë efekt të ngatërruar që pak i ngjan futbollit që ne njohim. Efekt që mund të krijojë vetëm prania e vetëm 330 personave futbollistë dhe të protokolluar.
Ndeshja Juve -Milan e vajtjes (1-1) sipas rregullave të reja do ketë mundësinë të evitojë kohën shtesë. Gjithnjë nëse dhe e kthimit do të përfundojë 1-1.
Për të kapur finalen, do gjuhen direkt penalltitë. Një vendim për të evituar lodhjen fizike. Aty ku dyshohet se sportistët vuajnë ende pasojat e ndalesës nga pandemia globale.