Katastrofike, 16 pjesëtarë të Vasco da Gama me COVID-19

Kampionat i shtyrë, pandemia globale me virusin që po e godet pa mëshirë në Amerikën Latine duke depertuar edhe në radhët e klubëve futbollistike.

Ngjet në Brazil teksa ekipi famoz brazilian, Vasco da Gama, ka njoftuar se rreth 16 personë të ekipit të tij kanë testuar pozitiv për COVID-19.

Pas testeve të kryera në të gjithë ekipin, stafin teknik dhe punonjësit e klubit, analizat sollën përgjigjen e frikshme:

“Ne zbuluam se 16 lojtarë janë pozitivë, ndërsa tre të tjerë të pikasur me Koronavirus më përpara, janë shëruar. Ata janë izoluar nga grupi, dhe do të qëndrojnë nën vëzhgim. Ata do të kryejnë teste të shpeshta deri sa të jemi të sigurt se ata nuk do të jenë më në gjendje të transmetojnë virusin “,-raporton klubi.