Premier League, zyrtarizohet starti…
Premier League nis me 8 qershor. Të paktën kështu ka vendosur FA, e cila duke parë zhvillimet e fundit me emergjencën koronavirus, thotë se 92 takimet e mbetura do të luhen në ditët e para të qershorit.
Kampionati anglez u ndal në 12 mars dhe që nga ajo ditë, askush nuk ka patur idenë se kur do te nisë gara. Madje pati aludime deri aty, sa edicioni thuajse i sigurtë në duar të Liverpulit, mund të bëhej ‘nul’.
Parashikimet në ishull, lidhur me përfundimin e kampionatit elitar, vërtiten te mesi i korrikut, teksa në 5 javë edicioni duhet të përfundojë.
Ndeshjet do të luhen me dyer të mbyllura, ndërsa nuk përjashtohet mundësia e zhvillimit të tyre në një numër të kufizuar impiantesh.
Ndërkohë, seancat përgatitore mund të nisin në datën 11 maj. Natyrisht sipas një protokolli zyrtar të miratuar nga organet shëndetësore.