Suta: ‘Nuk tërhiqemi, ngjitemi në fund…’
Tashmë edhe Kategoria e Dytë është futur në zonën e llogarive…
Kavajasit e Luzit, iu afruan shumë ngjitjes sezon e shkuar. Nuk arritën objektivin por nuk u dorëzuan.
“Edicionin e kaluar u eleminuam në pfay-off, por këtë radhë synojmë me çdo kusht vendin e parë për të qënë bileta e parë që të dërgon një kategori më lart”- shprehej Anxhelo Suta trajneri i skuadrës së presidentit Albert Lusha muaj më parë.
Sot, janë të dytët pasi komandën e ka marrë Vora. Në Luz të Vogël besojnë se Vora do ndalet. Ishin pikërisht vorakët ata që i shkaktuan humbjen e parë ekipit të Sutës.
“Do luftojmë deri në fund për të kapur vendin e parë edhe pse ‘play-offi’ figuron një mundësi. E kam skuadrën në gjendje optimale. uroj që nesër të fitojme e të marrim ndonjë lajm të mirë nga dueli PartizaniB -Vora. Por ne do vijojmë të besojmë se do ja dalim’- tha 33 vjeçari Suta.
Partizani B të shtunën, do të presë Vorën, kryesuesen e Grupit A në Kategori të Dytë ndërsa Luzi 2008- Vllazninë B. Te Grupi B, Maliqi kryesues udheton në Kuçovë, ndërkohë që Tomori (një ndeshje më pak) ka shtëpiaken me Këlcyrën.
